مَن نَحْنُ

من نحن

بلشت مجموعتنا الكبيرة بمكتبة صغيرة من سنة 1997 في الزرقاء وكانت أول مكتبة مختصة بكل اشي بتعلق بطالب التوجيهي و تفرعنا وقدرنا نخدم طالب التوجيهي و نقدم النصيحة باحسن و افضل صورة وتوسعنا والمكان الصغير بطل صغير صار اكتر مكان مريح نفسياً و برفع معنويات اي طالب ومجموعتنا تقسمت لأكتر من مكان لنوفر لطالب التوجيهي بيئة حلوة ومريحة لياخد احتياجاته وبنفس الوقت يدرس بأفتتاحنا أول مكان للدراسة بمجموعتنا بأسم الوسام بيت الدراسة( alwesam study house ) و كمان افتتحنا مكان بأسم الوسام اون لاين (alwesam online) ليخدم كل طالب بكل محافظات المملكة و من بيته و التواصل معكم على جميع مواقع التواصل الاجتماعي و كمان افتتحنا مكان بأسم ستوديو الوسام (studio alweasm) لتسجيل برامج تفاعلية بين الطالب و المعلم و تقديم الارشادات و النصائح و التجارب من خبرتنا بالمجال و من المعلمين و طلاب سابقين ويوم عن يوم التطور مكمل وما بخلص عنا.

فروعنا

1. الزرقاء -شارع السعادة-دخلة الصرافيين
2. الزرقاء الجديدة شارع ٣٦ بجانب قاعات بدران
3. Alwesam study house : الزرقاء شارع السعادة فوق فرعنا الاول

الرؤيا

الوسام مرتبطة ارتباط كامل بكل طالب على مستوى المملكة هدفنا نوصلك وتوصلنا وين ما كنت بدون اي عقبات لحتى نقدملك افضل ما عنا .

كيف بخدمك موقعنا؟

من خلال موقعنا بتقدر كطالب او ولي امر تشوف كل اشي بلزمك خلال السنة ويكون بين ايديك .

بنسهل عليك اختيارك لانو كل شي بفيدك قدام عينيك بكل اشي بخدمك كطالب وبنتابع سوا كل جديد لحتى تستفيد وين ما كنت صار فيك تاخد مستلزماتك وتكون اقرب لمكان تعليمي لديه الخبره و الاحترافية و المساعدة و الخدمة الي بتستحقها و رح نكون معك لأول خطوة من سلم النجاح و للنهاية الي بتشوف حالك فيها شعارنا( لا تتوقف إلا أن تصبح فخورا بنفسك )

آخر تحديث: 24 أغسطس 2023